أجمل بلد في العالم

المغرب هو أجمل بلد في العالم, هادي ما كاين فيها لاخود ولا آرا, وفي ما يلي بعض الأسباب إيلا متقتوش :
- المغرب هو أجمل بلد في العالم,لأن الخلصة ديال المواطن ديالنا كتخليه
مايسخسخش راسو ويفكر كيفاش غادي يخسرها. الخلصة كتخسر راسها براسها
فالتلتيام اللولة ديال الشهر, ومولاها كينعس هاني البال الشهر كولّو بلا
ما يخمم فين غادي يصرفها حيت ماكايشيط ليه والو أصلا..
-المغرب هو أجمل بلد في العالم,لأن الجرائد المغربية كتشوف أنها خصها تعفي
المواطن مسكين من أنه يشريها كل نهار حيت مافحالوش, و كاتبقا تعاود
فلخبارات وكتشدّ الستون بالمعيور فبعضياتها, والنتيجة أنه كيقدر المواطن
مسكين يشري جريدة وحدة فالشهر ولا السيمانة بلا ميحس بأن شي حاجة فاتّو..
-المغرب هو أجمل بلد في العالم,لأن الأحزاب السياسية ديالنا عندها رأي
واحد فأي قضية , والشعار: لا يسار وطيد, ولا يمين عتيد, وكلنا في خدمة
المخزن الجديد..
-المغرب هو أجمل بلد في العالم,لأن التلفزيون ديالنا هاز الهم للمواطنين
ومكيبغيش يفقسهوم بالخبارات الخايبة, وهو مستقل كليا على أي حاجة يمكن
تنغص عليهوم حياتهوم, كاين غير الشطيح والرديح والنشاط هاهو شاط و الأفلام
التركية والهندية ديال الحب والغرام..
-المغرب هو أجمل بلد في العالم, لأن المسئولين دياولنا كيخافو على حياة
المواطن , وكيخليو الطرقان ولوطوروت محفّرين بلعاني باش الطونوبيلات
مايمشيوش بجّهد ومايكونوش لكسايد بزاف..
وطبعا ماغاديش يكدنا ليسباس باش نكولو كاع هاداك الشي اللي كيخلي بلادنا أحسن بلاد فالعالم.. واللي مابغانا تعما عينو..

ههههه صدق صاحب الموضوع ... وشكرا منعم على النقل
بالفعل المغرب يبقى اجمل بلد في العالم ...
و حنا كنقولو هاد الشي لاننا كنحبوا المغرب و غيورين عليه ...و بغيناه يزيد القدام
شكرا من جديد ..واصل تألقك منعم

شكرا منعم للمواضيع الرائعة

أجمل بلد في العالم A5

Fi3lan lmaghrib ajmal wa a7san balad fel 3alam olli mabghana t 3ma 3ino,lbalad li mchiti liha tl9a b7al hadchi o ktar,sa7eb had lmawdou3 bayna fih sakhet 3la lwad3iya, ljaraid taman dialha ma39oul ola bghitihoum fabour ? o zaydoun ila chraha ghir wahed ghaywssel lkhbar lé otr hhh ;

Yarit koun kan l a7zab siyassiya nafs ra2y ;

Television mezian makayn la chti7 wala rdi7 ,chti7 li kan howa studio 2m rah kmal en plus darouri men nachat ola bghito t3a9do cha3b ktar men hakka hh ;

L7ob olgharam chi haja darouriya mafiha bas ila daro chi mosalsal aw 2 ghir may3ay9ouch f hadi mtaf9a m3ak katro bzf lmaghrib lhamdollah rah f ta9ddom.

merci mounim

lmaghrib abou donya

يا سلام ...
مشكورة هدى على التدخل ... رأيك يحترم ...
و أهلا بعودتك يا هدهوده ...
أجمل بلد في العالم 408636

lmaghrib a7ssan balad f l3am o makayhajro ghir li ma3arafch b 9imto bay2a dyalak hiya watanak o 7na watana howa lmaghrib wakha kat9al9o f ba3d l2a7yan walakin kayab9a 3ziz 3lina
chkran lssa7ib lmawdo3 waliman nacharah

المغرب راه اجمل بلد في العالم وخى مشفتش العالم هههههههه ولكن المسؤولين اخيب رجال العالم شكرا

هههه اوا حتى تشوفيه يا ريم .. عاد قارني ....

أضحك الله سنك
أضحكتني فكرة الأحزاب السياسية عجيبة والله
لكن ما يجب أن ننظر فقط للجوانب السلبية ونغفل عن الجوانب الإيجابية وأهمها العيش في أمان حتى وإن تراكمت على رؤوسنا المشاكل فانظروا إلى فلسطين والعراق وإتيوبيا والصومال وغيرها كثير المهم أننا أحسن من بلدان كثير
أجمل بلد في العالم 40306

نعم صدقت يا اخت حسناء ... فالمغرب و الحمد لله
من بين الدول المتربعة على كرسي الامن في العالم ...
و شكرا لمرورك

موضوع شيق وغيرتك اخي منعم لا تقل عن غيرتنا على بلدنا الحبيب لا ننسى ان لنا ملك يحاول بكل ما اوتي من قوة النهوض بالمغرب الى الامام والى محاربة كل سوسة بدات تنتشر وسط المسؤولين ومصاصي دماء المغاربة. بلدنا المغرب يفتخر ايضا بالكثير من بينها ما قالته الاخت المحترمة حسناء ليس من السهل ان ننعم بالامن والاستفرار ليس من السهل ان تتجول في دون خوف وان تشتري ما يحلوا لك ليس من السهل ان تعبر بما يختلج في صدرك بما فيه ما قلت اخي منعم فحرية التعبير لن يلومك فيها احد قل ما شئت ما دامت كلمة حق فالساكت عن الحق شيطان اخرس نعم وانا اقول ملئ فمي مغربية حتى الموت وجميعا نفتخر بمغربيتنا وسيظل المغرب احسن بلد

» من أجمل ما قيل في المرأة
» الرجال أجمل من النساء
» أجمل لحظات عمرك
» أجمل معاني الحزن
» أجمل وأروع <100> بيت من الشعر الرومانسى